Зәй каратэчылары «Йолдызлык» лагерендә тренерлары Алексей Ревин җитәкчелегендә ял итә. Анда 35 спортчы килгән. Тренеровкалардан тыш, балалар гадәти лагерь тормышы белән яши, төрле чараларда актив катнаша. Алар корпусларда яши. Бу хакта «Зәй яңалылкары» хәбәр итә.
«Йолдызлык»та көчле база булдырылган.
Без инде биредә 14 ел ял итәбез. Киокусинкай-каратэ түгәрәгенә йөрүчләрдән иң көчле спортчылар физик яктан әзерлекләрен ныгыталар, үстерәләр. Балаларга биредә бик ошый, бик теләп киләләр», — ди Алексей Ревин.Тренеровкалар һава торышының нинди булуына карамастан, ачык һавада үтә. Без килгәндә, яңгыр сибәләп тора иде.
Ял итүчеләр арасында XI сыйныфка барачак Виталий Бочкарев та бар. Ул – киокусинкай-каратэ буенча ике мәртәбә Европа призеры, өч мәртәбә Россия һәм Татарстан чемпионы, биш мәртәбә Идел буе федераль округы чемпионы. Быел Виталий лагерьда соңгы елын ял итә.
Свежие комментарии