Миңнеханов Зиатдиновны Сатып алулар буенча дәүләт комитеты башлыгы итеп билгеләде

<p>Татарстан Рәисе <strong>Рөстәм Миңнеханов</strong> Югары Ослан районының элеккеге башлыгы <strong>Марат Зиатдинов</strong>ны республиканың Сатып алулар буенча дәүләт комитеты рәисе итеп билгеләү турында указ имзалады. Документ хокукый мәгълүмат порталында чыкты.</p> <p>«Зиатдинов Марат Галимҗан улын ТР Сатып алулар буенча дәүләт комитеты рәисе итеп билгеләргә», – диелә текстта.

</p> <p>Марат Галимҗан улы муниципаль берәмлекне 10 елдан артык – 2012 елдан 2024 елга кадәр җитәкләде.</p> <p>Моңарчы «Татар-информ» хәбәр иткәнчә, соңгы ике елда Лисичанск һәм Рубежное фронт яны шәһәрләренең Татарстан тарафыннан торгызылу процессы белән җитәкчелек иткән <strong>Евгений Варакин</strong> Луганск Халык Республикасыннан Югары Ослан районын җитәкләү өчен кайтты.</p> <p> </p>