Куба Президенты «Адмирал Горшков» фрегаты һәм «Казан» су асты көймәсе бортында булды

<p>Куба Президенты <strong>Мигель Диас-Канель Бермудес </strong>илнең башкаласы Гавана портына кергән Россия хәрби корабларын карады. Сәясәтче «Адмирал Горшков» фрегаты һәм «Казан» атом су асты көймәсе бортында булды.</p> <p>«Бүген без «Адмирал Горшков» фрегаты интерьерын һәм «Казан» су асты көймәсе палубасын карадык», - дип язган Куба лидеры X (элеккеге Twitter) социаль челтәрендәге сәхифәсендә.

Бу турыда «Татар-информ» яза.</p> <p>«Тәэсирле һәм күңелле кич, хәтта туктаусыз яңгыр явуга карамастан. Рәхим итегез, Россиядән килгән дуслар», - дип өстәгән Диас Канель. Ул шулай ук сәфәр фотосурәтләре белән уртаклашты.</p> <p>«Татар-информ» хәбәр иткәнчә, «Казан» атом су асты көймәсе («Ясень-М» 885М модернизацияләнгән проекты судносы) Куба Республикасы башкаласы Гавана портына керде. Элегрәк портка Россия Хәрби-диңгез флотының Төньяк флоты отрядыннан «Советлар Союзы флоты адмиралы Горшков» фрегаты, «Академик Пашин» уртача зурлыктагы диңгез танкеры һәм «Николай Чикер» судносы коткару буксиры килде.</p> <ul> <li>2017 елның 31 мартында «Казан» су асты көймәсе суга төшерелде, ә 2018 елның сентябрендә заводның йөреш сынауларына чыкты. Апрельдә ул Россиянең Хәрби-диңгез флоты составына керде. 2021 елның 1 июнендә крейсер Төньяк флотка даими урнашу пунктына килде.</li> </ul>