Татарстан яшьләр эшләре министрының ике урынбасары – Денис Лулаков һәм Айгөл Сабирова вазифасыннан китте. Telegram-каналларында алар шул хакта язып чыкты.
Денис Лулаков
Фото: © Рамиль Гали, «Татар-информ»
«Мин Татарстан Республикасы Яшьләр эшләре министрлыгында эшемне тәмамлыйм. 952 көн эчендә минем аша 18 меңнән артык документ узды.
Ләкин башкасы мөһим – бу вакыт эчендә без һәрвакыт кешеләр белән бергә булдык. Экспертлар бергәлеге Татарстанны белә һәм хөрмәт итә», – дип язган Лулаков һәм остазларга, хезмәттәшләренә, республика яшьләренә рәхмәт белдергән.
Айгөл Сабирова
Фото: © Солтан Исхаков, «Татар-информ»
«952 көн. Күпме бу, әллә азмы? Әйтә алмыйм. Ләкин шуны төгәл беләм – алар вакыйгаларга бай булды. Без гел эштә булдык. Безнең эшебез яши, ә яңа команда инде үз бүлеген яза. Киләсе бүлектә яңа штрихлар ясый башлау өчен мин бу битне ябам», - диде, үз чиратында, Сабирова.
Элеккеге урынбасарларның икесе дә саубуллашу сүзләрендә министрлыкның иң әһәмиятле казанышларын санаган һәм хушлашмаска вәгъдә иткән.
ТР яшьләр эшләре министры урынбасарларының Telegram-каналларында постлар барлыкка килгәнче үк ведомство сайтыннан алар турында сөйләүче сәхифәләр юкка чыккан.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии