11-18 ноябрь көннәрендә Татарстанда кыяр һәм помидор бик кыйммәтләнде, шулай ук сыер итенең дә бәясе артты. Бу Татарстанстат мәгълүматларыннан билгеле булды.
Аерым алганда, республикада кыяр 14,88 процентка кыйммәтләнгән, 1 килограммы 121,14 сумнан 139,21 сумга кадәр җиткән, ә помидор 9,51 процентка арткан, ягъни килограммы 152,86 сумнан 166,16 сум булган.
Сыер ите 1,02 процентка арткан, ягъни 1 килограммы 549,83 сумнан 555,42 сумга, ә сарык ите 1,25 процентка кыйммәтләнгән, 1 килограммы 767,35 сумнан 775,79 сумга кадәр җиткән. Дуңгыз ите, сосиска һәм сарделька, ярым ысланган һәм пешкән колбаса 1 проценттан да кимрәккә кыйммәтләнгән.
Туңдырылган балык бәясе 2,43 процентка арткан, 1 килограммы 269,89 сумнан 276,65 сумга кадәр җиткән. Тавык ите (тавык ботыннан тыш) һәм тавык йомыркасы, киресенчә, 1 проценттан да кимрәккә арткан.
Моңа кадәр бер атна элек арзанайган атланмай 2,26 процентка кыйммәтләнгән, 1 килограммы 948,02 сумнан 967,84 сумга кадәр арткан.
Майлылыгы 2,5–3,2 процентлы пастеризацияләнгән сөт 3,26 процентка арткан, 1 литры 74,99 дан 77,48 сумга кадәр, ә шундый ук, әмма стерильләштерелгән сөт 0,69 процентка арзанайган, 1 литры 94,74 тән 94,09 сумга кадәр төшкән.
Каймак бәясе 2,79 процентка арткан, 1 килограммы өчен 244,33 сумнан 251,60 сум булган. Сырлар һәм эремчек үз чиратында 1 проценттан да кимрәккә арткан.
Свежие комментарии