Кичә Казан дәүләт университетында Татар теле һәм әдәбияты бүлегенең 80 еллыгын билгеләү декадасы кысаларында «Татар ядкәрләре» шәхси оешмасы җитәкчесе, Татарстанның баш фольклорчысы, КФУ доценты Фәнзилә Җәүһәрова «Хәзерге фольклористикада «текст» һәм «гипертекст» дигән темага ачык лекция уздырган.
Лекция КФУның Габдулла Тукай исемендәге Милли мәдәният һәм мәгариф югары мәктәбендә студентлар һәм мөгаллимнәр катнашында булган, диелә «Татар ядкәрләре» телеграм-каналында.
Фәнзилә Җәүһәрова лекциядә фольклор күренешләрен өйрәнүдә барлыкка килгән яңа тенденцияләргә, мисалларга тукталган.
Казан университетында ачылган Татар бүлегенең 80 еллыгына багышланган «Канат ярганда» дип исемләнгән тантаналы кичә 30 ноябрьдә 11:00 сәгатьтә УНИКС концертлар залында була.
Свежие комментарии