Кичә, шәүвәл аеның 8нче көнендә (6 апрельдә), Балтач мөхтәсибәтендә балалар һәм яшүсмерләр арасында ел саен үткәрелә торган районкүләм Коръән укучылар бәйгесе булып узды. Бу хакта ТР Диния нәзарәте матбугат хезмәте хәбәр итә.
«Ислам нуры» мәчетенә – кызлар, ә «Раиф» мәчетенә малайлар җыелды. Конкурста районның төрле авылларыннан җыелган 230дан артык малай һәм кыз катнашты.
Катнашучыларның яшенә килгәндә, алар 4 яшьтән алып 17 яшькәчә иде.
Иң яхшы укучыларны 8 номинация буенча ачыкладылар. Һәрбер номинация буенча 5 җиңүче билгеләнде.
Балтач мөхтәсибәтендә иң беренче Коръән укучылар бәйгесе 1994нче елда оештырылган. Ә 2008нче елдан башлап ул һәр елны үткәрелә.
Свежие комментарии