Татарстанда кар ява һәм 10 градуска кадәр салкын була

Бүген, 24 февральдә, Татарстанда температура фонының бераз күтәрелүе фаразлана. Бу хакта ТР Гидрометеорология үзәге хәбәр итә.

Республикада аязучан болытлы һава саклана. Урыны белән бераз кар явачак.

Төньяк һәм төньяк-көнчыгыштан 6 метрдан 11 метрга кадәр көчле җил көтелә. Юлларда бозлавык була.

Тәүлекнең якты вакытында төнге -10, -15 градуслардан соң төбәк буенча һава -5, -10 градуска кадәр җылыначак (ТР башкаласында – -6, -8 градуска кадәр).