Бүген «Ак Барс» хоккейчылары плей-офф этабының бишенче уенында «Автомобилист» командасына 0:2 исәбе белән җиңелде. Матч Екатеринбургта узды.
- Плей-оффта командалар дүрт җиңүгә кадәр көч сынаша. Дүрт тапкыр җиңгән команда киләсе турга үтә, ә җиңелгәне Гагарин Кубогы өчен көрәштән төшеп кала. Хәзер «Ак Барс» исәбендә ике җиңү, «Автомобилист»ның – өч.
Беренче периодның ундүртенче минутында «Автомобилист» сакчысы Ник Эберт исәпне ачты (1:0).
Икенче периодның унтугызынчы минутында Стефан да Коста «Ак Барс» капкасына икенче алканы кертте (2:0).
Өченче периодта голлар булмады.
Командалар составы:
«Автомобилист»
- Аликин (Галкин);
- Хрипунов – Да Коста – Голышев, Воробьёв – Зборовский;
- Кизимов – Шаров – Мэйсек, Кашников – Диц;
- Шашков – Бывалцев – Меркли, Трямкин – Осипов;
- Денежкин – Романцев – Каштанов, Ишимников – Эберт.
«Ак Барс»
- Билалов (Мифтахов);
- Барабанов – Сафонов – Галимов, Лямкин – Марченко;
- Петан – Семёнов – Яшкин, Фальковский – Миллер;
- Пустоёров – О’Делл – Коршков, Яруллин – Лучевников;
- Дыняк – Кателевский – Кошелев (Җамалтдинов), Ст.Терехов.
Киләсе уен Казанда «Татнефть Арена» боз сараенда узачак. «Ак Барс» – «Автомобилист» матчы 5 апрель көнне 17:00 сәгатьтә башлана.
Свежие комментарии