Дәүләт Думасының Икътисади сәясәт комитеты рәисе, Татарстаннан депутат Максим Топилин республиканың партнерлык финанславы буенча эксперимент лидеры булып танылуы турында сөйләде.
Нәтиҗәләр Татарстан Премьер-министры урынбасары - икътисад министры Мидхәт Шаһиәхмәтов һәм Татарстаннан Дәүләт Думасында депутатлар Максим Топилин һәм Айрат Фәрраховның Россия Банкы җитәкчелеге белән очрашуында әйтелде.
«Эксперимент елы узды: Россия Үзәк банкы фикеренчә, Татарстан - эксперимент лидеры, ә төбәк компанияләре - эксперимент шартларын үтәүче, партнерлык продуктларын актив этәрүчеләр, иң актив катнашучылар», - диде Топилин.
Ул аңлатканча, хәзер төп мәсьәлә - партнерлык финанс продуктлары стандартларын формалаштыру.
«Очрашуның төп нәтиҗәсе - партнерлык продуктлары стандартларын әзерләү, стандартларны эшләү һәм раслау тәртибен билгеләячәк закон проектын булдыру турында килештек», - дип белдерде Топилин.
Свежие комментарии