Лениногорскиның ЗАГС бүлегендә Анатолий Александрович Сухановский белән Фирүзә Әнвәр кызы Латыйпованың никахын теркәү тантанасы булды. Бу хакта «Заман сулышы» хәбәр итә.
Якташыбыз Анатолий Александрович - хәрби хәрәкәтләр ветераны, махсус хәрби операциядә катнашкан. Махсус билгеләнештәге ирекле отрядта, миномет взводының командиры булып хезмәт иткән.
Ул Россия Федерациясенең дәүләт бүләге – «Батырлык өчен» медале белән бүләкләнгән.Быел март башында өенә кайтты. Аны яратканы, сөйгәне көтеп алган. Һәм алар никахларын рәсмиләштереп, ир белән хатын дигән статус алды.
ЗАГС хезмәткәрләре әлеге парны чын күңелдән котладылар, озын бәхетле гаилә тормышы теләделәр.
Свежие комментарии