Бүген Минзәлә районының Дусай-Кичү авылы янындагы Ык елгасында балыкчы ярдан 200 метр ераклыкта боз астына төшеп киткән. Һәлакәт урынына кичекмәстән һава судносында коткару хезмәтләре җибәрелгән.
«Татар-информ»га Россия Гадәттән тыш хәлләр министрлыгының ТР буенча Баш идарәсендә хәбәр итүләренчә, коткаручылар 38 яшьлек балыкчыга ярга чыгарга ярдәм иткән.
Ир-атны хастаханәгә илтү кирәк булмаган.Килеп чыккан хәлнең сәбәбе – куркынычка карамастан, эреп ватыла башлаган язгы бозга чыгу.
Свежие комментарии