Татарстанда авыл хуҗалыгы ярминкәләре 15 мартта яңадан эшли башлаячак һәм 27 апрельгә кадәр дәвам итәчәк. Республика авыл хуҗалыгы һәм азык-төлек министры Марат Җәббаров ТР Фермерлар, крестьян хуҗалыклары һәм авыл хуҗалыгы куллану кооперативларының XXV съездында шулай дип белдерде.
«ТР Рәисе Рөстәм Миңнехановның авыл хуҗалыгы ярминкәләрен яңадан үткәрә башлау турында күрсәтмәсе килде.
Муниципаль берәмлекләргә аңа әзерләнергә кирәк. Өстәвенә, Рөстәм Нургалиевич күрсәтмәсе белән фермерларның командировка акчалары, логистика чыгымнары каплана», - диде авыл хуҗалыгы һәм азык-төлек министры.Җәббаров татарстанлылар арасында авыл хуҗалыгы ярминкәләренә ихтыяҗ зур булуын искәртте.
Свежие комментарии