Россия төбәкләрендә Корбан гаетенә йөзләгән мең мөселман җыелачак

<p>Россия мөселманнары Диния нәзарәтләре вәкилләре әйтүенчә, булачак Корбан гаетенә Россиянең төрле төбәкләрендәге мәчетләргә ике меңнән алып берничә йөз меңгә кадәр кеше килә алачак. Бу хакта «РИА Новости» яза.</p> <p>«Төньяк Кавказда Корбан бәйрәмендә барлык зур шәһәрләрнең мәчетләре тулы булачак.

Без гомуми санны исәпләмәдек. Бу меңләгән йөз мөселман булачак. Барлык теләүчеләр дә мәчеттә сыя алмаячак, шуңа күрә күпләр намазга үз намазлыгы белән килә, аны мәчет яны территориясендә җәеп, Аллаһы Тәгаләгә тынычлык һәм якыннарының сәламәтлеге турында сорап мөрәҗәгать итә», – дип сөйләгән «РИА Новости»га Төньяк Кавказ мөселманнары координация үзәге рәисе <strong>Исмәгыйль Бердиев</strong>.</p> <p>«Россия башкаласының Җәмигъ мәчетендә 100 меңгә якын кеше булыр дип уйлыйм. Мәскәү тарихи мәчетендә традицион рәвештә 30-35 мең мөселман җыелачак», – дигән Мәскәү тарихи мәчете имам-хатыйбы <strong>Рамил Садеков</strong>.</p> <p>Мәскәү өлкәсе мөселманнары Диния нәзарәтендә хәбәр итүләренчә, Мәскәү өлкәсендә алдан әзерләнгән 50 мәйданчыкка намазга 100 меңнән артык мөселман киләчәк.</p>