Дәүләт Думасы депутатлары Бөтенроссия мәктәп укучылары олимпиадасы җиңүчеләрен һәм призерларын БДИ һәм ТДИ тапшырудан азат итүче закон проектын әзерләде. Авторы Дәүләт Думасы депутаты Сергей Миронов булган закон проектын җомга Думага кертү планлаштырыла, дип хәбәр итә РИА Новости.
Закон проекты нигезендә, олимпиаданың йомгаклау этабында җиңүче яки призер булган укучылар дәүләт йомгаклау аттестациясеннән азат ителәчәк.
Хәзер бу олимпиада профиленә туры килгән фәнгә генә түгел, барлык фәннәргә дә кагыла.Миронов аңлатканча, мондый укучылар югары белем һәм интеллектуаль сәләтләргә ия, шуңа күрә аларны бүләкләү һәм аттестациядән азат итү мөмкинлеге бирү мөһим. Аның сүзләренчә, әлеге инициатива талантлы яшьләрне үстерү өчен шартлар тудырачак һәм алга таба да фәннәрне өйрәнүгә игътибар юнәлтергә этәргеч булачак. Ә бу исә киләчәктә илнең фән, техника һәм икътисад өлкәләренең үсешенә зур өлеш кертергә мөмкинлек бирәчәк.
Свежие комментарии