Татарстан кечкенә шәһәрләрдә хезмәт хакы буенча Россиядә беренче 15-леккә керде

Татарстан Республикасы 2024 ел нәтиҗәләре буенча зур булмаган торак пунктларда хезмәт хаклары ягыннан Россиядә 11-нче урында. Бу РИА Новости уздырган тикшеренүләрдән күренә.

Татарстанның кече һәм урта зурлыктагы торак пунтларында уртача хезмәт хакы 2024 елда 73,1 мең сум тәшкил иткән. Ел нәтиҗәләренә карый, аның күләме 23,3 процентка үскән.

Шул ук вакытта, бу хезмәт хакының билгеле бер товарлар җыелмасына карата нисбәте 2024 елда 3,71 булган, ягъни уртача хезмәт хакына шул кадәр товар җыелмасы сатып алу мөмкин.

Татарстан күрсәткечләренә якын төбәкләр: Мурманск өлкәсе (10-нчы урын, хезмәт хакы күләме - 99,3 мең сум, товар җыелмасына нисбәте - 3,82), Коми Республикасы - 12-нче урын, уртача хезмәт хакы - 88,3 мең сум, товар җыелмасына нисбәте - 3,67).

Кече һәм урта зурлыктагы торак пунтларда хезмәт хакы рейтингында һәрвакыттагыча Ерак Төньяк төбәкләре беренче урында: Ямал-Ненец автоном округында уртача хезмәт хакы - 146,2 мең сум, товар җыелмасына нисбәте - 5,52), шулай ук Ненец автономияле округы, Магадан өлкәсе, Ханты-Манси автономияле округы - Югра һәм Чукот автономияле округлары.

Бу, шул исәптән, вахта белән эшләүчеләрнең хезмәт хаклары югары булуы аркасында да шулай килеп чыга. Иң югары күрсәткечле 5 төбәк исемлеге 2023 ел белән чагыштырганда үзгәрмәгән.

Кече һәм уртача зурлыктагы торак пунктларда хезмәт хакы иң түбән булган төбәкләр - Төньяк Кавказ яклары: Чечен Республикасы (29,8 мең сум, товар җыелмасына нисбәте - 1,45), Ингушетия, Дагъстан, Кабарда-Балкар Республикасы, Карачай-Чәркәс Республикасы.

Рейтингка федераль дәрәҗәдәге шәһәрләр - Мәскәү, Санкт-Петербург, Севастополь кермәгән, шулай ук исемлектә 2022 елда плебисцитлардан соң РФ составына кергән яңа территорияләр дә юк (соңгылары - мәгълүмат булмаганлыктан).

Провинциядәге торак пунктларда хезмәт хаклары арту бөтен төбәкләрдә дә күзәтелгән, алар уртача 19,9 процентка арткан. Шул ук вакытта провинциядә хезмәт хаклары узган елда, 2022 һәм 2023 еллардагы кебек үк, зур шәһәрләргә караганда тизрәк үскән.

Нәтиҗәдә провинциаль шәһәрләр һәм зур шәһәрләрдә хезмәт хаклары күләме аермасы 2022 елдагы 25 проценттан - 2024 елда 13 процентка кадәр кимегән, дип белдерә экспертлар.