Россия Президенты Владимир Путинга аның Казахстан коллегасы Касым-Жомарт Токаев шалтыратты һәм Дагыстандагы террорчылык һөҗүмнәренең фаҗигале нәтиҗәләре белән бәйле рәвештә Россия халкына кайгы уртаклашу һәм теләктәшлек белдерүен әйтте. Бу хакта Кремль сайтында хәбәр ителә.
«Касым-Жомарт Токаев шулай ук Севастопольдә тыныч гражданнарга варварларча ракета һөҗүме ясауны каты тәнкыйтьләде.
Владимир Путин аңа рәхмәт белдерде», — диелә хәбәрдә.Ике илнең лидерлары террорчылыкка каршы көрәш буенча үзара хезмәттәшлекне арттырырга әзерлек белдерде. Шулай ук энергетика өлкәсендә хезмәттәшлекне үстерүнең кайбер аспектлары каралды.
Владимир Путин коллегасына узган атнада Пхеньян һәм Ханойга дәүләт сәфәре нәтиҗәләре турында сөйләде. Президентлар шәхси элемтәләрне дәвам итәргә килеште – шул исәптән 3-4 июльдә Казахстан башкаласында узачак Шанхай хезмәттәшлек оешмасы саммитында.
Шулай ук дәүләт башлыгына Үзбәкстан Президенты Шәүкәт Мирзиёев шалтыратты. Ул Дагыстандагы террорчылык актлары нәтиҗәсендә тыныч гражданнар һәм хокук саклау органнары хезмәткәрләре һәлак булу сәбәпле, тирән кайгы уртаклашты. Лидерлар Россия Президентының Ташкентка күптән түгел булган дәүләт сәфәре нәтиҗәләре буенча ирешелгән килешүләрне гамәлгә ашыру контекстында үзара файдалы хезмәттәшлекне үстерү мәсьәләләре турында фикер алышты.
23 июньдә Дербент һәм Махачкалада булган терактларга бәйле рәвештә моңарчы Үзбәкстан, Казахстан, Кыргызстан лидерлары һәм Шанхай хезмәттәшлек оешмасы генераль секретаре кайгы уртаклашты.
Свежие комментарии