Татарстан хезмәт базарында кадрларга ихтыяҗ зур. Беренче квартал нәтиҗәләре буенча эш белән мәшгуль халык саны 15 мең кешегә арткан. Бу хакта бүген «Татар-информ»да узган матбугат конференциясендә ТР Хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.
«Бүгенге көндә республикада 1,2 миллион кешенең эш урыны бар.
Беренче кварталда эшләүчеләр санының иң күбе эшкәртүче сәнәгать, транспортировкалау һәм саклау тармаклары, кайбер бюджет тармакларында артуы күзәтелде», - диде ул.Спикер мәгълүматлары буенча, республикада эш белән мәшгульлек дәрәҗәсе Идел буе федераль округы һәм гомумән ил буенча күрсәткечләрдән югарырак. Татарстан буенча эш белән мәшгульлек дәрәҗәсе 62,2 проценттан югары, дип исәпләнә.
«Төбәктәге һәр эшсез кешегә без 17 төрле вакансиягә кадәр тәкъдим итә алабыз», — диде Зарипова.
Свежие комментарии