Россиядә пенсионерлар банкларда 500 мең сумнан артык акча тота

Россиядә пенсионерлар кредит оешмаларында кертемнәрдә уртача 556 мең сум акча тота. Бу 2023 елда депозитта булган суммадан 13 процентка күбрәк, дип яза «Российская газета» кредит оешмалары мәгълүматларына сылтама белән. Шул ук вакытта россиялеләр банкларда уртача 370 мең сум акча тота.

Россиядә яшәүче пенсионерлар кертемнәрен уртача 181 көнгә ача.

Шул ук вакытта 2023 елда пенсия яшендәге кешеләр депозитларын 275 көнгә ачкан булган.

Шулай ук билгеләп үтелгәнчә, пенсия яшендәге хатын-кызлар банкларда кертемнәрне ир-ат-пенсионерларга караганда активрак ача. Кредит оешмалары статистикасына караганда, бер кертем ачучы пенсионер ир-атка ике пенсионер хатын-кыз туры килә.