Бүген «Татар-информ» мәгълүмат агентлыгында «Муса Җәлил Россиянең тарихи-мәдәни киңлегендә» бөтенроссия фәнни конференциясенә багышланган матбугат очрашуы узды. Чарага каһарман-шагыйрь Муса Җәлилнең олы кызы, җәмәгать эшлеклесе Люция Җәлилова да килгән иде. Люция Җәлилова бүгенге көндә Санкт-Петербург шәһәрендә яши, журналистларга ул әтисе – шагыйрь Муса Җәлилнең иҗатын һәрвакыт халыкка җиткерергә тырышуын, аның шигырьләрен балачактан яттан белүен сөйләде.
«Әтиемнең шигырьләрен 9 яшьтән мәктәпләрдә, ял йортларында сәхнәдән сөйләдем. Хәзер инде үзем мәктәп укучыларын рәхәтләнеп карыйм, тыңлыйм. Санкт-Петербург мәктәпләрендә, төрле минитнгларда мин дә әтиемнең шигырьләрен сөйлим. Аның киң җәмәгатьчелектә популяр булмаган шигырьләрен дә яттан беләм. Шулай итеп әтиемнең иҗатын башкаларга җиткерергә тырышам, ничек килеп чыкканын әйтә алмыйм, ләкин халыкка ошый», – диде ул.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии