Пакистан Ислам Республикасы якын киләчәктә БРИКС әгъзасы булырга өметләнә. Бу хакта илнең Премьер-министры киңәшчесе Рана Ихсан Афзаль Хан хәбәр итте.
«Пакистан үзен БРИКСка кертүне сорап мөрәҗәгать итте һәм бу уңайдан өметләр баглый. Минем уйлавымча, якын киләчәктә без БРИКСта булачакбыз», - дип аның сүзләрен китерә РИА Новости.
Ул Казанда БРИКС саммитын «дөнья икътисадының шактый өлешен тәкъдим итүче көчле форум» дип атады.
Киңәшче Исламабад үтенече канәгатьләндерелер дип ышаныч белдерде.
Свежие комментарии