<p>Татарстан Рәисе <strong>Рөстәм Миңнеханов</strong> бүген «Автодор» дәүләт компаниясе идарәсе рәисе <strong>Вячеслав Петушенко</strong> белән хезмәттәшлек мәсьәләләре турында фикер алышты. Бу хакта республика җитәкчесенең матбугат хезмәте хәбәр итә.</p> <p>Рөстәм Миңнехановның Татарстан Республикасы Хөкүмәте Йортындагы эш бүлмәсендә әңгәмә барышында алар төбәк, төбәкара һәм федераль дәрәҗәләрдә автомобиль юллары челтәрен үстерү буенча алга таба да хезмәттәшлек итү турында сөйләште.
</p> <p>Моннан тыш, Татарстан Рәисе һәм «Автодор» җитәкчесе юл хуҗалыгы өлкәсендә перспективалы инвестицион проектларны гамәлгә ашыру турында фикер алышты.</p> <p>Очрашуда шулай ук ТР Премьер-министрының беренче урынбасары <strong>Рөстәм Нигъмәтуллин</strong>, ТР транспорт һәм юл хуҗалыгы министры <strong>Фәрит Хәнифов</strong> һәм башка рәсми затлар катнашты.</p> <p>«Татар-информ» хәбәр иткәнчә, «Көнчыгыш» М12 түләүле трассасын Казаннан Екатеринбургка кадәр озынайтуга быел Илкүләм иминлек фондыннан 77 млрд сум бүлеп бирәчәкләр.</p>
Свежие комментарии