<p>2024 елда Бөтенроссия авыл Сабантуе Киров өлкәсе Нократ Аланы районында узачак. Бу хакта бүген Пермь крае Барда авылында үткән XIV Бөтенроссия авыл Сабантуенда әйттеләр.</p> <p>Татарстан республикасы Рәисе <strong>Рөстәм</strong> <strong>Миңнеханов</strong> Сабантуйның күчмә символы - тулпар ат истәлекле бүләген Киров өлкәсе губернаторы <strong>Александр Соколовка</strong> тапшырды.
</p> <p>«Пермь краен әлеге зур чара үтүе белән котлыйм! Авыл Сабантуен зурлап үткәрү традициясе һичшиксез дәвам итәргә тиеш», - диде Александр Соколов истәлекле бүләкне кабул итеп.</p> <p>Шулай ук ул тиздән оештыру буенча беренче утырышлар булачагын әйтте.</p> <p>«Эшне башлап җибәрәбез, Татарстан җитәкчелеге белән без әлеге зур чара турында күптән сөйләшкән идек. Бүген булган барлык регионнарны да чакырам. Киров җиренә рәхим итегез! Пермь краеннан калышмаска тырышырбыз», - диде ул.</p> <p><img alt="" height="658" src="https://tatar-inform.tatar/images/uploads/1c0b885a129da32b761d1af5c7e5705f.jpeg" width="1170" /></p>
Свежие комментарии