Бүген Татарстан Рәисе Рөстәм Миңнеханов «Росинкас» берләшмәсе президенты һәм идарә рәисе Василий Медведев белән очрашты. Бу хакта республика җитәкчесенең матбугат хезмәте хәбәр итә.
Рөстәм Миңнехановның ТР Хөкүмәте йортындагы эш бүлмәсендә узган әңгәмә барышында яклар, инкассатор хезмәтләре өлкәсен дә кертеп, төрле юнәлешләр буенча алдагы хезмәттәшлек хакында фикер алышты.
Очрашуда ТР Рәисе «Росинкас» башлыгына Татарстанның дәүләт бүләген - «ТАССР төзелүгә 100 ел» медален тапшырды.
Василий Медведев әлеге бүләккә «Татарстан Республикасының социаль-икътисади үсешен ныгытуга зур өлеш керткән өчен» лаек булды, дип искәртә ТР Рәисенең матбугат хезмәте.
Свежие комментарии