Рөстәм Миңнеханов Шәймиевкә: Сезнең зирәклек, халкыбызга мәхәббәт тирән хөрмәт уята

Татарстан Рәисе Рөстәм Миңнеханов үзенең Телеграм-каналында Татарстанның Дәүләт киңәшчесе, республиканың беренче Президенты Минтимер Шәймиевне туган көне белән котлады.

«Мөхтәрәм Минтимер Шәрипович, ихлас йөрәктән туган көнегез белән котлыйм! Сезнең зирәклегегез, Ватаныбызга, халкыбызга булган мәхәббәтегез һәм тугрылыгыгыз тирән ихтирам уята.

Сезгә сокланабыз, илкүләм данга ия остаз булуыгыз белән горурланабыз! Сезгә озын гомер һәм ныклы сәламәтлек телим», – дип язган республика җитәкчесе.

Шулай ук Рөстәм Миңнеханов Минтимер Шәймиевнең тормыш юлындагы төрле чорлар белән бәйле фотолар һәм видеоязмалардан торган видеоролик та урнаштырган.

Видео: t.me/rustamminnikhanov.