Эшләүче пенсионерлар декабрьдә арттырылган пенсия алачак. Бу хакта Россия Социаль фонды башлыгы Сергей Чирков хәбәр итте.
Социаль фонд киләсе елның гыйнварыннан эшләүче гражданнар өчен пенсияләрне индексацияләүне яңарта. Әмма Яңа ел бәйрәмнәре сәбәпле, кайбер россиялеләргә гыйнварда тиешле пенсияләрне декабрьдә күчерәчәкләр.
«12 гыйнварга кадәр пенсия алучыларга түләүләр декабрь азагында башкарылачак. Башка көннәрдә пенсия алучы гражданнарга акча 2025 елның гыйнвар аеның тиешле даталарында түләнәчәк», - диде Чирков, аның сүзләрен «Парламентская газета» китерә.
Хәбәр ителгәнчә, киләсе елда картлык буенча иминият пенсиясенең уртача күләме 24 мең сумга кадәр үсәргә мөмкин.
Свежие комментарии