Бүген кич, шулай ук 17 ноябрьдә төнлә һәм көндез Татарстанда һава шартларының начараюы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Казаннан тыш, республикада урыны белән көньяк-көнбатыштан секундына 15-17 метр тизлектә җил исәчәк (Бофорт шкаласы нигезендә, секундына 13,9-17,1 метр тизлектәге җил көчле җил дип атала).
Моннан тыш, төбәк юлларында (ТР башкаласында – төнге һәм иртәнге сәгатьләрдә) бозлавык барлыкка киләчәк. Шулай ук кайбер урыннарда, Казанны да кертеп, төнлә һәм иртән бераз бозлавык көтелә.
Татарстанда һава температурасы төнлә -3..+1 градус (ТР башкаласында -1..+1 градус) тәшкил итәчәк.
Свежие комментарии