Камал театры гастрольләр белән Мәскәүгә бара

<p>10-15 сентябрьдә Россиянең дәүләт академия Кече театры сәхнәсендә Казанның иң борынгы театры – <strong>Галиәсгар Камал</strong> исемендәге Татар дәүләт академия театры гастрольләре узачак. Бу хакта Татарстан Республикасының Россия Федерациясендәге Тулы вәкаләтле вәкиллеге хәбәр итә.

</p> <p>Гастрольләр 9 тапкыр «Алтын битлек» премиясенә тәкъдим ителгән «Болганчык еллар. Мөһаҗирләр» спектакле белән 10 сентябрьдә ачып җибәреләчәк.</p> <p>Шулай ук Камал театры «Бию пәрие» музыкаль комедиясен, «Санаулы кичләр» һәм легендар «Зәңгәр шәл» спектакльләрен, «Көзге кайтаваз» комедиясе премьерасын тәкъдим итәчәк.</p> <p>Гастрольләр 15 сентябрьдә «Ситса туй» спектакле белән тәмамланачак.</p> <p>Спектакльләрнең барысы да рус теленә синхрон тәрҗемә белән татар телендә куелачак.</p>