Татарстан Иҗтимагый палатасы әгъзалыгына кандидатлардан гаризалар кабул итү башланды

<p>Татарстанда республиканың Иҗтимагый палатасы әгъзалыгына кандидатлардан гаризалар кабул итү башланды. Алар 30 көн дәвамында кабул ителәчәк.</p> <p>Кандидатлар өчен мәгълүмат һәм документ формалары ТР Иҗтимагый палатасы сайтында «Документлар» бүлегендә урнаштырылган.</p> <p>Гаризаларны Татарстан Дәүләт Советы түбәндәге адрес буенча кабул итә: Казан, Ирек мәйданы, 1 йорт, дүшәмбедән пәнҗешәмбегә кадәр 09:00 сәгатьтән 18:00 сәгатькә кадәр, җомга – 09:00дән 16:45кә кадәр (12:00дән 12:45кә кадәр тәнәфес).

</p> <p>Белешмәләрне түбәндәге телефоннар буенча алырга мөмкин: +(843)267-64-25 – ТР Дәүләт Советы, +7(843)567-80-99 – ТР Иҗтимагый палатасы.</p> <p>Иҗтимагый палата әгъзалыгына кандидатлар тәкъдим итү процедурасы башлануы республика Иҗтимагый палатасы әгъзасының вакытыннан алда вәкаләтләрен туктатуы белән бәйле.</p> <p>Татарстан Республикасы Дәүләт Советы тарафыннан раслана торган Татарстан Республикасы Иҗтимагый палатасы әгъзалыгына кандидат тәкъдим итү хокукына коммерцияле булмаган оешмалар, шул исәптән Татарстан территориясендә теркәлгән төбәк иҗтимагый берләшмәләре ия.</p>