27 мартта Мәскәүдә 2023-2024 елгы сезон нәтиҗәләре буенча «Алтын битлек»нең «Театр сәнгатен үстерүгә зур өлеш керткән өчен» һәм «Россиянең театр сәнгатенә ярдәм иткән өчен» махсус премияләрен тапшыру тантанасы булды.
Россиянең 12 күренекле сәнгать эшлеклесе номинация лауреатлары дип танылды. Алар арасында Башкорт дәүләт курчак театры артисты, Россиянең һәм Башкортстанның халык артисты Айрат Әхмәтшин дә бар. Бу хакта «Башинформ» хәбәр итә.
Айрат Әхмәтшинны бүләкләү тантанасында Башкорт дәүләт курчак театры директоры, Башкортстанның атказанган сәнгать эшлеклесе Альберт Имаметдинов озата йөрде.
«Алтын битлек» премиясе һәм фестивале Мәдәни инициативалар Президент фонды ярдәмендә уза.
Свежие комментарии