Татарстанда быел кино төшерүнең тематик планы билгеләнгән.
«Мәдәният министрлыгы 2025 елда 10 фильм төшерергә ярдәм күрсәтергә планлаштыра. Әлеге максатларда 8 млн сум акча каралган», дип хәбәр итә ТР Мәдәният министрлыгының матбугат үзәге.
Конкурста республиканың коммерцияле булмаган оешмалары катнаша ала.
Җиңүчеләр кино төшерүнең тулы циклы өчен субсидия алалар.2025 елгы юбилей даталары: Василий Качалов (тууына 150 ел), Салих Сәйдәшев (тууына 125 ел), Хәсән Туфан (тууына 125 ел), Азат Аббасов (тууына 100 ел), Алмаз Монасыпов (тууына 100 ел), Сөләйман Йосыпов (тууына 100 ел), Илһам Шакиров (тууына 90 ел), Туфан Миңнуллин (тууына 90 ел) һ.б.
- Юл хәрәкәте иминлеге турында кыска метражлы документаль фильм - 500,0 мең сум;
- «Һади Атласи. Сәясәтче, тарихчы, дин белгече» – Һади Атласиның тууына 100 еллыгына багышланган кыска метражлы документаль фильм - 500,0 мең сум;
- «Минем сәнгатьтәге тормышым» альманахы – Татарстанның танылган мәнгать әһелләре юбилейларына багышланган документаль новеллалар - кыска метражлы документаль фильм - 500,0 мең сум;
- Россия хәрбиләренә багышланган фильм – махсус хәрби операциягә катнашучыларга багышланган кыска метражлы документаль фильм - 500,0 мең сум;
- Габдулла Тукайның тууына 140 еллык уңаеннан аның әсәрләре буенча тулы метражлы нәфис фильм - 2000,0 мең сум;
- Бөек татар җырчысы Илһам Шакировның тууына 90 еллыкка багышланган тулы метражлы документаль фильм - 1000,0 мең сум;
- «Ватан каһарманнары» – Бөек Ватан сугышындагы батырлыкларны, заман героен популярлаштыруга, Ватанга мәхәббәт һәм патриотизм хисләре тәрбияләүгә юнәлтелгән фильм — тулы метражлы документаль фильм - 1000,0 мең сум;
- Шагыйрьнең тууына 120 еллык уңаеннан Муса Җәлил әсәре буенча анимацион кино - 1000,0 мең сум;
- Татарстанның матди булмаган мәдәни мирас объектларының фильм-демонстрациясе — кыска метражлы документаль фильм - 500,0 мең сум;
- «Татарстан халыкларының тарихы, мәдәният турында мәгълүмат чыганагы буларак, борынгы эпитафияләр» — кыска метражлы документаль фильм - 500,0 мең сум.
Свежие комментарии