Бүген Татарстан Рәисе Администрациясе җитәкчесе Әсгать Сәфәров Россия Ислам институты ректоры Рәфыйк хәзрәт Мөхәммәтшинга «Дуслык» орденын тапшырды. Бу хакта Россия Ислам институты матбугат хезмәте хәбәр итә.
Дин эшлеклесенә республика дәүләт бүләген тапшырганнан соң, ТР Рәисе администрациясе башлыгы аны 70 яшьлек юбилее белән котлады.
Бүләкләү Ислам мәгарифе советының киңәйтелгән утырышы кысаларында үтте. Утырыш мөселман белем бирү оешмаларын мониторинглау йомгакларына һәм Россия Ислам мәгарифен алга таба үстерү һәм камилләштерү планнары турында фикер алышуга багышланган иде.
Свежие комментарии