Түбән Каманың беренче төзүчесе Иван Коршинның юбилеенда аның йорты каршына чана-трактор поездын китерделәр. «Шәһәрне беренче төзүчеләр», 60 ел элек кебек үк, күзләрендә ышаныч, сөйләмнәрендә шатлык һәм кулларында транспорантлар тотып кузовтан төште. Бу хакта https://tat.e-nkama.ru/ сайтында хәбәр ителә.
Инициатив төркем Иван Васильевич өчен беренче төзүчеләр турында җыр башкарды.Соңыннан Иван Васильевичны гаиләсе белән Түбән Каманың Е.Н.Королев исемендәге политехника көллиятенә чакырдылар. Булачак төзүчеләрне әзерли торган уку йортында Иван Коршинның юбилеена багышланган «Листая жизни светлые страницы» дигән чара узды.
Фото: © https://tat.e-nkama.ru/
Очрашуга Түбән Кама районының төрле тармаклары ветераннарын һәм шәһәрнең мактаулы гражданнарын чакырган иде. Истәлекле вакыйгаларны юбилярның яраткан җырларын башкаручы вокаль ансамбльләр чыгышлары тулыландырды.
Е.Н. Королев исемендәге политехника көллият директоры, шәһәр Советы депутаты Татьяна Куприянова белдергәнчә, Иван Васильевич һәм башка беренче төзүчеләр чын батырлык эшләгәннәр - буш кырда үз куллары белән шәһәр төзегәннәр. Аның котлавына мәгариф учреждениесе студентлары да кушылды.
Свежие комментарии