Бердәм тавыш бирү көнендә сайлау системасы ресурсларына масштаблы киберһөҗүмнәр булган. Бу хакта Татарстан Республикасы Үзәк сайлау комиссиясе рәисе Андрей Кондратьев «Татар-информ» мәгълүмат агентлыгында оештырылган матбугат үзәгендә видеоэлемтә аша сөйләде.
«Элла Памфилова хәбәр иткән иде: РФ Үзәк сайлау комиссиясе ресурсларына 290 мең һөҗүм булган, читтән торып электрон тавыш бирү ресурсларына 300 мең киберһөҗүм теркәлгән», – диде Андрей Кондратьев.
Ул Татарстанда киберһөҗүмнәргә каршы тору буенча барлык системалар штатлы режимда эшләгәнен билгеләп үтте. «91 мең һөҗүмгә чик куелган. Сайлау участокларында өстәмә саклану чаралары эше дөрес, төзек булган», – диде.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии