Аксубайның төп мәйданында унберенче сыйныф укучылары өчен чыгарылыш кичәсе узды

Аксубайның төп мәйданында 84 чыгарылыш сыйныф укучысы өчен 2025 елгы «Хыялларың чынга ашсын!» дигән мәктәп балы узды. Бу хакта «Авыл таңнары» яза.

«Чыгарылыш көне — сез мөстәкыйль тормыш бусагасында басып торган көн, сезнең җилкәгездә 11 ел тырыш хезмәт, шатлык, дулкынлану, җиңүләр һәм ачышлар. Мин чын күңелдән ышанам, үз сәләтегезне табып, сез уңышка ирешә алырсыз.

Сез сайлаган юлның шатлык һәм канәгатьлек китерүен телим. Алга! Бары җиңүләр генә юлдаш булсын!» — дип котлады чыгарылыш укучыларын район Башкарма комитеты җитәкчесе Алмаз Мингулов.

Татарстан Республикасы Рәисе Рөстәм Миңнеханов һәм ТР Дәүләт Советы исеменнән чыгарылыш укучыларын ТР Дәүләт Советы депутаты, ТР Дәүләт Советы Комитеты рәисе Александр Чубаров котлады.

Катнашучыларның алкышлары астында Аксубай районы мәктәпләрен тәмамлаучыларны игълан иттеләр. Алар кызыл келәм буйлап сәхнәгә үттеләр, анда аларга истәлекле кыңгыраулар тапшырылды.

Чыгарылыш сыйныф укучыларының ата-аналары үз балаларына бүләк – күңелле флешмоб әзерләгәннәр.

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/