29 июньдә Тәтеш муниципаль районының Килдеш авылында «Валда Шинясь» республика мордва мәдәнияте бәйрәме узачак. Быел борынгы бәйрәм яшь гаиләгә багышлана. Бу хакта бүген «Татар-информ» матбугат конференциясендә бәйрәмне оештыручылар хәбәр итте.
«Без республика халык бәйрәмнәрен үткәрүне дәвам итәбез.
Бәйрәм вакыйгаларында мәдәни көн тәртибенең аерым урын алып торуы мөһим», - диде Татарстан мәдәният министры урынбасары Дамир Натфуллин.«Килдеш тарихы» этнографик комплексын төзү программаның бер өлеше була. Ул «Мордовия ишегалды», «Мокшень налхксемат», «Тюштянская ярмарка» һәм «Кивать на память» фотозонасын үз эченә ала. Шулай ук бәйрәм-фестиваль барышында интерактив зоналар актив була, анда кунаклар мордва халкының үзенчәлекле мәдәнияте, ашлары һәм гаилә традицияләре белән таныша ала.
«Без 100 ел элек булган традицияләрне тәкъдим итәбез һәм аларны заманча музыка белән синтезладык. Сезне 1 сәгатьлек күпжанрлы әсәр көтә», - дип тасвирлады фестивальнең куелыш сегментын бәйрәм режиссеры Мария Стуклова.
Фестиваль «Гаилә одасы — тормыш таңы» театральләштерелгән кереш өлештән башлана һәм мордва музыкантлары чыгышлары һәм интерактив мәйданчыклар эше белән дәвам итәчәк. Һәр мәйданчыкта мордваларның йола культурасы һәм традицион фольклор элементлары булган мини-спектакль күрсәтеләчәк.
Мәйданчыклар 15:00 сәгатьтә эшли башлый.
Искәртик, Президент Владимир Путин карары белән 2024 ел - Россиядә Гаилә елы дип игълан ителде.
Свежие комментарии