Дәүләт Думасының финанс базары комитеты рәисе Анатолий Аксаков «Татар-информ»га 1 июльдән яңа банк инструментларыннан – социаль кертемнәр һәм счетлардан файдалана алучы гражданнар турында сөйләде.
«Социаль кертемнәр һәм счетлар дәүләттән социаль ярдәм алучы һәм кереме яшәү минимумы дәрәҗәсеннән түбәнрәк булган гражданнар өчен каралган.
Һәр кеше 50 мең сумга кадәр бер генә социаль кертем һәм бер генә социаль счет ача алачак. Моны Дәүләт хезмәтләре порталы аша эшләргә була. Акчаларны процентларны югалтмыйча салдырып алырга мөмкин. Процентлар исә ай саен исәпләнеп барачак», - дип аңлатты Аксаков.Кертемнең ставкасы банкта гамәлдә булган бер елга кадәр ачып була торган гадәти кертемнәр арасында иң югары ставка булачак. Счетның ставкасы исә Үзәк банкның төп ставкасының яртысыннан да ким булмый. «Бу «мендәр астында» акча саклауга яхшы альтернатива», – дип саный Дәүләт Думасы депутаты.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии