Чаллының шәһәр паркында 5 апрельдә «Карга боткасы» милли бәйрәме уза, аны оештыруда «Шоңкар» башкорт милли-мәдәни автономиясе, «Родник» Халыклар Дуслыгы йорты һәм Чаллы шәһәре хакимиятенең мәдәният идарәсе катнаша, дип хәбәр итә «Башинформ».
Бәйрәмдә милли атрибутика күргәзмәсе эшләячәк. Башкорт һәм татар җыр-биюләре башкарыла, кубыз, курай моңнары яңгыраячак.
Концертта «Гөлнәзирә» башкорт халык ансамбле һәм «Гөрләвек» башкорт мәдәниятен сөючеләр клубы вәкилләре дә чыгыш ясаячак.
«Карга боткасы» - татарларда һәм төрки халыкларда борынгы йола, ул яз башында уздырыла. Халык кырга чыгып, ботка пешереп сыйлана, калган ботканы каргаларга чәчеп, елның яхшы килүен, уңышның мул булуын тели.
Свежие комментарии