Татарстан Рәисе Рөстәм Миңнеханов Telegram-каналда һәм «ВКонтакте» социаль челтәрендәге сәхифәсендә Христосның яңадан терелүе бәйрәме белән тәбрик итеп видеокотлау урнаштырды.
«Кадерле дуслар, православие динен тотучыларның барысын да Пасха бәйрәме белән чын күңелдән котлыйм!» - дип язган республика җитәкчесе.
ТР Рәисе урнаштырган видеороликта Казанның Азино микрорайонында 2010-2015 елларда төзелгән изге кенәз Александр Невский гыйбадәтханәсенең тышкы һәм эчке күренешен күрергә мөмкин.
Элегрәк Рөстәм Миңнеханов, православие динен тотучы христианнарны Пасха белән котлап, бу бәйрәмнең «яхшылык һәм гаделлек тантана итүенә ышаныч чыганагы, киләчәккә өмет символы» булуын билгеләп үткән иде.
t.me/rustamminnikhanov/ видеосы.
Свежие комментарии