Халыкара «Татар кызы» бәйгесе ярымфиналистлары Болгарга сәяхәт кылды

Казанда халыкара «Татар кызы» бәйгесенең ярымфиналы дәвам итә. Катнашучылар бүген Болгарга экскурсиягә барды.

Кызларны борынгы Болгар белән таныштырып, иске шәһәрлек урынына алып бардылар. Кара пулат, борынгы манаралар һәм төрбәләр тарихы турында сөйләделәр. Шулай ук, кызлар 2012 елда төзелгән «Ак мәчет», Хәтер бинасындагы иң зур Коръән китабы белән дә танышты.