Татарстан урманчылыкларына һәм урман хуҗалыкларына 28 пилотсыз очу аппараты (БПЛА) тапшырылды, алар яңа сезонда урман янгыннарын кисәтү эшләрендә катнашачак. Бу хакта «Татар-информ»га ТР Урман хуҗалыгы министрлыгы матбугат хезмәтендә хәбәр иттеләр.
«Бүген пилотсыз очу аппаратлары төрле өлкәләрдә, шул исәптән авыл хуҗалыгында, геодезиядә, иминлекне саклауда, логистикада кулланыла.
Урман хуҗалыгында БПЛА урман фонды җирләрен мониторинглау, урман янгыннарын ачыклау һәм контрольдә тоту, законсыз кисүләрне кисәтү һәм ачыклау бурычларын хәл итәргә мөмкинлек бирә», - дип сөйләде ТР Урман хуҗалыгы министрлыгының дәүләт контроле һәм күзәтчелеге бүлеге җитәкчесе Айрат Әхмәров.Аның сүзләренчә, БПЛА «Пилотсыз авиация системалары» илкүләм проекты ярдәмендә сатып алынган.
«2025 елда тагын өч пилотсыз очу аппаратын сатып алу планлаштырыла», – дип өстәде Әхмәров.
Свежие комментарии