Түбән Новгород өлкәсе Дзержинск шәһәрендә «Ватанны саклаучылар Кубогы» Төбәкара комплекслы физкультура чарасын ябу һәм бүләкләү тантанасы узды. Бу хакта «Ватанны саклаучылар» фондында хәбәр иттеләр.
Ярышларда Идел буе федераль округының 14 төбәгеннән якынча 130 махсус хәрби операция ветераны катнашты.
Татарстан спортчылары арасында түбәндәге катнашучылар аерылып торды: Анатолий Широков икенче класслы атучылар арасында алтын медаль яулады, бронза Дмитрий Голубцовка эләкте. Өченче класс атучылар арасында Кирилл Демаков җиңү яулады.
Башка дисциплиналарда да уңышларга ирешелде – пауэрлифтинг буенча ярышларда икенче урынны Сергей Разваляев алды, ә Андрей Слепцов уктан атуда уңышка иреште. Пычак ыргыту ярышларында өченче урын Виталий Лебедевка бирелде.
Турнирны Россия Спорт министрлыгы һәм Түбән Новгород өлкәсе Хөкүмәте ярдәмендә «Ватанны саклаучылар» дәүләт фонды һәм Россиянең Паралимпия комитеты оештырды.
Читайте нас:
Дзен - https://dzen.ru/tatar-inform.ru
ВК - https://vk.com/tatarinform
Телеграм - https://t.me/iatatarinform
Свежие комментарии