Әфганстан Югары белем министрлыгы 500 студентка Россиягә укырга баруны тыйды. Бу хакта җирле «Хашт-е Собх» басмасы хәбәр итә.
«Талибан»* (террорчылык эшчәнлеге өчен БМО аны санцияләр астында тота – Т-и иск.) берләшмәсе, студентларның «Россиягә мөселман булып китеп, өйләренә коммунист булып кайтуларын» раслап, йөзләгән студентка Россиягә барырга комачаулады», - дип яза РИА Новости басмага сылтама белән.
«Талибан» хәрәкәте Әфганстанда 2021 елдан бирле хакимият башында. Талиблар моңа кадәр дә 1996-2001 елларда ил белән идарә иткән иде, әмма соңыннан Америка гаскәре керү нәтиҗәсендә аларның режимы бәреп төшерелде. 2021 елда АКШ армиясе Әфганстаннан киткәннән соң, «Талибан» хакимиятне кире кайтарды.
Свежие комментарии