Алабугага пилотсыз очу аппараты һөҗүм иткәннән соң җиде кеше хастаханәгә озатылган

Алабуга районына Украинаның пилотсыз очкычы һөҗүм иткәннән соң зыян күргән җиде кеше (шуларның өчесе – балалар) хастаханәгә озатылган

ТР Сәламәтлек саклау министрлыгы матбугат хезмәтендә «Татар-информ» агентлыгына хәбәр итүләренчә, ике пациентның хәле уртача, алар Алабуга Үзәк район хастаханәсендә дәвалана, табиблар аларның хәлендә уңай динамиканы билгеләп үтә.

Өч пациент - Чаллының Кама балалар медицина үзәгендә, аларның хәле тотрыклы, тормышларына куркыныч янамый. Тагын ике пациент - Ашыгыч медицина ярдәме хастаханәсендә, аларның хәле шулай ук тотрыклы.

«Кирәкле барлык медицина ярдәме күрсәтелә. Федераль экспертлар да җәлеп ителде, алар Татарстан белгечләренә дәвалау тактикасы буенча консультацияләр бирә», – дип белдерделәр ТР Сәламәтлек саклау министрлыгының матбугат хезмәтендә.

 

Читайте нас:

Дзен - https://dzen.ru/tatar-inform.ru

ВК - https://vk.com/tatarinform

Телеграм - https://t.me/iatatarinform

YouTube - https://www.youtube.com/user/tatarinform/