Татарстан яшьгвардиячеләре гуманитар ярдәм җыю турында игълан итте, аны Курск өлкәсендә яшәүчеләргә озатачаклар.
Ярдәм Казандагы «Бердәм Россия Яшь Гвардиясе» гуманитар үзәгендә кабул ителә, адресы: Жуковский урамы, 12, дип хәбәр итә гвардиянең матбугат хезмәте.
Элегрәк Татарстан Хөкүмәте зыян күрүчеләргә ярдәм җыю өчен счет ачкан иде.
Искәртеп узабыз, 6 августта Украина Кораллы көчләре Курск өлкәсенә һөҗүм итте. Россиянең һава һөҗүменнән саклану чаралары төбәк өстеннән очкан 26 пилотсыз очу аппаратын, берничә ракетаны бәреп төшерде, шулай ук һөҗүм итүчеләрнең дәүләт чиген бәреп керү омтылышына чик куйды. Нәтиҗәдә, 5 кеше һәлак булды, 28е яраланды.
РФ Президенты Владимир Путин әлеге хәл Киев хакимиятенең масштаблы провокациясе дип белдерде. Элегрәк Курск өлкәсе губернаторы вазифаларын вакытлыча башкаручы Алексей Смирнов дәүләт башлыгына төбәктәге вазгыять хакында сөйләгән иде.
Свежие комментарии