Татарстан районнарында төп бөртекле культураларны урып-җыю төгәлләнде. Барлыгы 3,6 миллион тоннадан артык ашлык җыеп алынды, уртача уңыш гектарыннан 27,9 центнер тәшкил итте. Бу хакта ТР Авыл хуҗалыгы һәм азык-төлек министрлыгы хәбәрендә әйтелә.
«Бөртекле культуралар 1 миллион 325 мең гектар мәйданда җыеп алынды.
Тагын 43,6 мең гектарга якын мәйданда бөртеккә кукуруз суктырасы калды», - диелә хәбәрдә.Иң күп ашлык Буа һәм Тәтеш районнарында (һәркайсында 170 мең тоннадан артык), шулай ук Арча районында (160 мең тоннадан артык) җыелды.
Тәтеш (гектарыннан – 38,9 центнер), Кукмара (37,8 центнер), Әтнә (34,4 центнер) һәм Кайбыч (32,9 центнер) районнары бөртеклеләрдән иң югары уңыш алуга иреште.
Свежие комментарии