Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Омск өлкәсенең Усть-Ишем муниципаль районы Әбәркүл авылында яңа мәдәният йорты ачылу тантанасында катнашты. Бу турыда конгрессның матбугат хезмәте хәбәр итте.
Омск өлкәсе Хөкүмәте Рәисе урынбасары вазифаларын башкаручы Егор Горбатенко, Васил Шәйхразыев һәм Рәисә Ниязова символик тасманы кистеләр һәм яңа мәдәният йортының ишекләрен ачтылар.
Рәисә Ниязова кунаклар өчен яңа мәдәният йорты бинасы буйлап экскурсия үткәрде. Экскурсия азагында мәртәбәле кунакларга уй-фикерләрен авыл клубының «Бәяләмәләр китабына» язарга тәкъдим иттеләр.
Васил Шәйхразыев катнашучыларны сәламләде һәм яңа мәдәният йортының эшчәнлегендә уңышлар теләде. Шулай ук Васил Шәйхразыев Бөтендөнья татар конгрессы исеменнән Рәхмәт хатлары тапшырды, диелә хәбәрдә.
Свежие комментарии