<p>«Азнакай киемнәре» җәмгыяте коллективы үзләренең һөнәри бәйрәмнәрен – Җиңел сәнәгать хезмәткәрләре көнен билгеләп үтә. Әлеге уңайдан коллектив белән район башлыгы <strong>Марсель Шәйдуллин </strong>да очрашты, үзара аралашу барышында ул нефтьчеләр һәм башка тармак эшчеләре өчен махсус киемнәр тегүчеләрне бәйрәм белән котлап, тынгысыз хезмәтләре өчен барысына да рәхмәт сүзләрен җиткерде.
Бу хакта «Азнакай» сайтында <strong>Таңсылу Саниева</strong> яза.</p> <p>«Сез районыбызның социаль-икътисади үсешенә зур өлеш кертәсез. Эшегез җиңелләрдән түгел, әмма сез замана таләпләреннән калышмаска тырышасыз. Куйган хезмәтегезнең авырлыгын беләбез. Сез – безнең Азнакай брендын тудыручылар. Эшегездә – уңышлар, гаиләләрегездә иминлек булсын», – диде район башлыгы.</p> <p>Тәбрикләүләргә фабриканың генераль директоры <strong>Рөстәм Бәзгытдинов</strong> та кушылып, һәрчак яңа идеяләр белән янган хезмәттәшләренә рәхмәт белдерде.</p> <p>Нигездә нәфис затлардан гына торган «Азнакай киемнәре» электән үзенең алдынгы хезмәткәрләре белән дан тоткан, бүген дә биредә чын мәгънәсендә кул осталары тупланган.</p> <p>Производство алдынгыларына Рәхмәт хатлары, акчалата бүләкләр тапшырылды.</p> <p> </p>
Свежие комментарии