<p>5 июньдә Арчада «Казан арты» музеенда Каенсар авылы тарихын яктырткан китапның презентациясе булды. Китап авторлары: тарих фәннәре докторы, профессор, Татарстан Республасының атказанган фән эшлеклесе <strong>Фәйзелхак Ислаев</strong> һәм аның тормыш иптәше <strong>Сания Ислаева</strong>.
Бу турыда Бөтендөнья татар конгрессы хәбәр итте.</p> <p>Очрашуда төбәк тарихын өйрәнүчеләр, китапханәчеләр, авыл тарихы белән кызыксынучылар катнашты. Кунаклар арасында Киров өлкәсе Иске Пенәгәр авылы имамы, 3 томлык саллы «Пенәгәрдә мең дә бер кичә» китабы авторы, Каенсар авылы метрика кенәгәләрен кириллица графикасына күчерүче <strong>Зыятдин Нәҗметдинов</strong>, авыл хуҗалыгы фәннәре кандидаты, доцент, Кәче авылы тарихын язучы <strong>Фоат Закиров</strong> һәм башкалар бар иде.</p> <p>Очрашуны Каенсар имамы Надир хәзрәт Гатауллин Корән Кәрим аятьләрын укып башлап җибәрде. Авыл тарихы өйрәнү тәҗрибесе һәм аның проблемалары турында фикер алышу җыр бәлән уралып барды. Каенсар авылында туып үскән, <strong>Сөмбелә Абдуллина</strong> сүзләренә Каенсар авылы җырының көен иҗат иткән үзешчән композитор <strong>Нәзир Фәхретдинов </strong>башкаруында җыр ямь өстенә ямь өстәде. Очрашуны музей хезмәткәре<strong> Ленар Гобәйдуллин</strong> алып барды, дип яза <strong>Альберт Борһанов</strong>.</p>
Свежие комментарии