Зилә Вәлиева Илгиз Хәйруллин турында: Таләпчән, үз фикере булган гадел кеше иде

Татарстан Республикасы Иҗтимагый палатасы рәисе Зилә Вәлиева Александр Пушкин исемендәге Мәдәният үзәгендә ТАССРның атказанган мәдәният хезмәткәре, ТР Иҗтимагый палатасының элеккеге рәисе Илгиз Хәйруллин белән хушлашу мәрасимендә сәясәтче белән бәйле истәлекләрен яңартты.

«Ул дәүләт эшендә дә ыгы-зыгылы тармакларда эшләде.

Мәдәният, җәмгыять, икътисад өлкәсен аласыңмы, төрле фикер йөрткән кешеләрне берләштереп, аларны йодрык итеп тота белде. Сүз дә юк, җитәкчедән оештыру сәләте таләп ителә. Кешене ишетә белү дә кирәк бит әле. Илгиз Кәлимуллович менә шул сыйфатларга ия иде. Тыйнак, таләпчән, эшчән, үз фикере булган, гадел кеше иде», – диде чыгышында.

Аның әйтүенчә, Татарстанның Иҗтимагый палатасы аның тормыш юлында мөһим этап булган.

«Ул вакытта бу органның эше ничек төзелергә тиешлеген беркем дә аңлап бетерә алмады: беркем дә җәмәгатьчелекне һәм хакимиятне берләштерергә тиешле орган булуын күз алдына китерә алмый иде. Беренче рәис буларак Илгиз Кәлимуллович сайланды. Эш аның кабинетында өстәлдә, каләм дә юк иде. Эш анда да түгел, аларны эзләп табу Иҗтимагый палата эшчәнлегенең нигезләрен төзүгә караганда күпкә җиңел иде», – диде Зилә Вәлиева.

Зилә Вәлиева Илгиз Хәйруллинны киңкырлы кеше дип атады.

«Журналистика өлкәсе, дәүләт эшчәнлеге, яшьләр белән эшләү тәҗрибәсе дисеңме – болар барысы да аңа бик яхшы таныш иде. Шуңа да ул безнең өчен Татарстан Иҗтимагый палатасына нигез салучы кеше булып кала. Аның тормышчан принциплары эштә дә ярдәм итә. Укытучы синең белән дәфтәр, каләм тотып утыручы гына түгел, ул –үрнәк булырлык кеше.

Илгиз Кәлимуллович ачык, якты шәхес булды. Бер кешене дә рәнҗетмичә эшләде. Зур җитәкче турында бик сирәк шулай диләр. Безнең өчен ул үрнәк кеше булып кала», - диде Татарстан Республикасы Иҗтимагый палатасы рәисе.